NORABIDE BARRA - BARRA DIRECCIONAL
Mendian itsuen mugikortasuna errazteko
Antonio Carrascosa doctorearen asmakizun bat da. Hasiera batean, diseinua egurrezko
barra bat zen, baina denbora aurrera joan ahala material ezberdinetako norabide
barrak sortzen joan dira. Lehen espedizioekin bat beste barra mota bat egiten
da “espediziokoa” izenez ezagutua. Plastikoz eta PVCz bezalako materialez egina
da. Dena den, hauen ezaugarri nagusiak honakoak dira: gomaz forraturiko eta zatigarriak
diren berdinak diren hiru zatiz osaturiko aluminiozko hodia.
Norabide barra, atletismoko pertikaren
antzeko lanabesa da non ikusmen urritasun partziala nahiz guztizko ikusmen
urritasuna duten pertsonak mendiaz disfrutatzeko aukera eskaintzen du. Barra honek
3 metro luzera du eta bertan hiru pertsona kokatzen dira beti. Bertako taldea
edo kideak honakoak dira:
- Aurrealdeko gidaria (G1): Ikusmena duen
mendizalea dugu hau, normalean hiruen artean esperimentatuena. Pertsona
honen funtzioa orografian topaturiko oztopoak adieraztean datza. Atzeko
gidariarekin bat (G2 edo B2) beharrezko mugimenduak eginez martxa eta
bidea gidatzeaz arduratzen den gidaria da.
- B1: ONCEk guztizko edo ia guztizko ikusmen
urritasuna duten pertsonak sailkatzeko erabiltzen duen kirol izendapena
litzateke. Pertsona hauek erdian kokatuko lirateke eta hauen funtzioa
gidariak esandakoari men egitea da. Jarraibide hauek barrarekin egindako
mugimendu zehatzen bidez edota gidariak ahoz esandakoaren bidez egingo die
kasu. Dena den honek ere beste mendizale baten gisan bere ekarpenen bidez
lagunduko du.
- Atzealdeko gidaria (B2 edo G2): Atzealdean ikusmen urritasunik gabeko beste gidari bat (G2) edota ikusmen urritasun partziala duen pertsona (B2) joateko aukera dago. Erdian dagoen pertsona ondo doala ziurtatzea eta G1-ek aipatu ez dituen ahozko edo gestualak diren jarraibideak zuzentzea da honen funtzioa. Honetaz gain, ibilbidean aurreko gidariak adierazitako mugimenduen koordinazioa ere kontuan hartu behar du B1-en segurtasuna bermatuz.